Фатима Нургазиевна Нургазиеванын 115 жылдыгына арналган

63-Эл аралык илимий-практикалык конференция "КММА ИЛИМ КҮНДӨРҮ – 2026" 

Урматтуу кесиптештер, кымбаттуу катышуучулар!

И. К. Ахунбаев атындагы Кыргыз мамлекеттик медициналык академиясы Сиздерди 2026-жылдын 09-10-апрелинде Бишкек шаарында өтүүчү эл аралык илимий-практикалык конференцияга – "КГМА илим күндөрү – 2026" иш-чарасына катышууга чакырат.

Конференцияга жаш илимпоздор, студенттер жана Кыргыз Республикасынын, жакынкы жана алыскы чет өлкөлөрдүн бардык кызыктар адистери катыша алышат.

Бөлүмдөр:

1. Профилактикалык медицина жана коомдук саламаттыкты сактоонун актуалдуу маселелери
2. Ички оорулардын актуалдуу маселелери (Клиникалык фармакологияны кошо алганда)
3. Энелик жана балалык маселелери
4. Хирургия жана травматологиянын актуалдуу маселелери
5. Стоматология жана жаак-бет хирургиясынын маселелери
6. Радиациялык диагностика жана терапиянын актуалдуу маселелери
7. Фармацевтикалык башкаруунун жана фармакогнозиянын актуалдуу маселелери
8. Оториноларингология жана офтальмология маселелери
9. Медициналык айымдардын ишинин актуалдуу маселелери 
10. Фундаменталдык медицинанын маселелери
11. Биомедициналык инженерия
12. Гуманитардык илим

Маанилүү:
1 жана 2-курстун студенттери төмөнкү үч бөлүмдө гана катыша алышат: Фундаменталдык медицинанын маселелери; Биомедициналык инженерия; Гуманитардык илим

Конференциянын иш тилдери: Кыргызча, орусча жана англисче.

Илимий-практикалык конференциянын материалдары этикалык комитеттин корутундусу менен "Евразия саламаттыкты сактоо журналына" жарыяланат.

Катышуу үчүн:
2026 -жылдын 1-февралына чейин төмөнкүлөрдү аткарыңыз:

1. Каттоо:
   Конференциянын сайтына катталып, зарыл маалыматтарды толтуруңуз (аты-жөнү, иштеген жери, байланыш маалыматы ж.б.).

2. Илимий ишти даярдоо:
   Коюлган талаптарды так сактаңыз:

• Тексттин көлөмү: Текст бөлүмдөрүнүн сөз лимитине туура келиши керек.
• Түзүлүш: Сайттагы бардык бөлүмдөрдү толтуруңуз.
• Тили: Талап кылынган тилде жазыңыз.
• Көзөмөл: Грамматикалык, стилистикалык каталарды текшериңиз.
• Жөнөтүү: “Жөнөтүү” баскычын басып, катышууңузду тастыктаңыз.

Ийгилик каалайбыз!

2026-жылы «КММАнын Илим күндөрү – 2026» аттуу 63-эл аралык илимий-практикалык конференциясы XX кылымдагы Кыргызстандын медициналык элитасынын көрүнүктүү өкүлдөрүнүн бири, мамлекеттик жана коомдук ишмер, Кыргыз Республикасынын саламаттык сактоо министри жана Кыргыз мамлекеттик медициналык институтунун ректору болуп иштеген алгачкы кыргыз аял — Фатима Нургазиевна Нургазиеванын (1911–1995) 115 жылдыгына арналат.

Фатима Нургазиевна 1911-жылы Ысык-Көл аймагында малчынын үй-бүлөсүндө төрөлгөн. Анын балалык жана жаштык чагы тарыхый татаал мезгилге туш келген: 1916-жылдагы Үркүндө үй-бүлөсү Кытайга аргасыздан качып, бир нече жылдан кийин мекенине кайтып келген. Кыйынчылыктарга карабастан, ал жаш кезинен тартып коомдук ишмердүүлүккө активдүү аралашып, Фрунзе жана Ташкент шаарларында билим алган. 1929-жылдан тартып мугалим жана аялдар уюштуруучусу болуп эмгек жолун баштаган.

1938-жылдан тартып Ф. Н. Нургазиеванын кесиптик ишмердүүлүгү саламаттык сактоо тармагы менен тыгыз байланышта болгон. 1940-жылы Москва шаарында саламаттык сактоо уюштуруучулары үчүн курстарды бүтүрүп, Улуу Ата Мекендик согуш жылдарында республиканын саламаттык сактоо министринин биринчи орун басары болуп иштеп, тылдагы медициналык жардамды уюштурууда маанилүү роль ойногон. 1947-жылы Кыргыз мамлекеттик медициналык институтун бүтүрүп, дарыгер адистигин алган.

1949-жылы Фатима Нургазиевна социалдык камсыздоо министри болуп дайындалып, 1950-жылдан тартып Кыргыз ССРинин саламаттык сактоо министри болуп иштеген. 1955–1963-жылдары Кыргыз мамлекеттик медициналык институтунун ректору кызматын аркалаган. Бул мезгилде жаңы факультеттер ачылып, окуу жайдын материалдык-техникалык базасы олуттуу түрдө бекемделип, студенттерди кабыл алуу кеңейтилген, анын ичинде кыргыз жаштарынын медициналык билим алуусуна кеңири шарттар түзүлгөн.

Ф. Н. Нургазиева Ак-Суу, Ысык-Ата жана Жалал-Абад курортторунун минералдык сууларынын дарылык касиеттерин изилдөөгө, ошондой эле Кыргызстанда курорттук ишти өнүктүрүүгө арналган сегиз илимий эмгектин автору болгон. 1962-жылдан тартып эне менен баланы коргоо системасында дарыгер болуп иштеп, кийин балдардын кургак учук санаторийинин башкы дарыгери кызматын аркалаган.

Саламаттык сактоо тармагын өнүктүрүүдөгү эмгеги үчүн Фатима Нургазиевна Ленин ордени, «Ардак белгиси» орденинин эки жолу, бир катар медалдар менен сыйланып, «Кыргыз ССРинин эмгек сиңирген дарыгери» ардактуу наамына ээ болгон. Ал СССР Жогорку Советинин жана Кыргыз ССР Жогорку Советинин депутаты болуп шайланган.

Конференциянын Фатима Нургазиевна Нургазиеванын элесине арналышы КММАнын илимий-билим берүү салттарынын улантылышын баса белгилеп, анын медициналык илимдин, саламаттык сактоо системасынын жана медициналык кадрларды даярдоонун өнүгүшүнө кошкон зор салымына болгон терең урмат-сыйды чагылдырат.